學生文章16

 In 大家的文章

不經不覺,喺柳川讀咗兩年幾日文,完成咗中級班喇!

 

想當初打算學日文,係為咗去日本旅行食買玩方便啲,亦為咗喺日本睇演唱會嘅時候聽得明我鍾意嘅人喺台上講咩… 一開始就無諗住要考啲N咩試,亦都對市面上一啲針對N咩試syllabus而設立嘅日文課程好抗拒。

 

經過朋友介紹,再自己上網研究,發現柳川並唔似係嗰種一班廿幾三十人、完全無互動嘅課堂,所以終於報讀咗初級班…

 

第一次去到課室,係嚇親嘅,因為啲佈置,全部都係先生最鍾意嘅漫畫產品,一啲都唔傳統死板,睇得出先生係想為課堂帶嚟輕鬆、親切嘅感覺…

 

第一次見到先生(雖然之前喺網上睇過相),亦係嚇親嘅,因為完全唔似一個先生… 最初考慮過係咪應該揾一個課程係由日本人教,以為咁樣就可以學到正宗嘅發音… 結果都係揀咗香港人教,因為覺得初級班就全日文,會完全聽唔明… 而結論係選擇正確!因為先生係香港人,所以更加理解香港人學日文困難之處,更加知道香港人去到日本會遇到嘅日文問題,而且用廣東話教學可以更加生動有趣!

 

另一樣令我覺得先生係好有heart嘅地方,就係所有筆記都係先生自己親手編輯!而唔係用市面上某本日文教學書!

 

其實我自己一開始最怕就係小組討論,怕會和同學完全溝通唔到… 但係原來係相反嘅… 同學都來自唔同年紀,有學生、有唔同職業背景、有唔同學日文嘅原因,所以反而學到更加多範疇嘅日文同日本文化,亦都識到唔少朋友仔…

 

至於最深刻印象嘅小組討論,係先生將課室變成日本嘅店舖,同學分別飾演店員同客人,仲有一次係餐廳場景,點食物飲品,另一次係週圍揾人自拍同揾人幫手揸機影相,每次都係好好玩嘅!

 

坦白講,先生係非一般先生,我會形容係GTO, 每一堂基本上都係喺笑聲中度過,如果唔想再傳統死板咁學日文,想輕輕鬆鬆咁學到一啲實用嘅日文,就一定要嚟試下上堂!

 

最後,一定要多謝先生呢兩年幾嘅教導!而家去日本食買玩要同日本人溝通都唔會驚喇!

Recent Posts
Contact Us

We're not around right now. But you can send us an email and we'll get back to you, asap.

Not readable? Change text. captcha txt