睇日劇學日文 第一彈

 In 日語小教室

 

係呢段片入邊,我嘅女神就哀求隔離嗰條友:

.
.
その前に 一つ 質問 しても いいですか

(そのまえ に ひとつ しつもん しても いいですか)
.
.
意思即係話:
.
.
係呢樣嘢(起飛)之前,我可以問一樣嘢嗎?
.
.

.
.
其實,呢一句對白就可以溫返「柳川的日本語」嘅第9課嘅內容啦!個一課就係教大家「動詞て形」嘅運用!唔知同學仔記唔記得呢?(邊個夠膽話唔記得啊)
.
.
==============================
.
.
動詞て形嘅轉換:

食べます → 食べて
たべます → たべて

飲みます → 飲んで
のみます → のんで

入ります  → 入って
はいります → はいって

座ります  → 座って
すわります → すわって
.
.
==============================
.
.
咁,就可以係「動詞て形 + も + いいですか」呢個句式入面應用返出黎啦~呢個就係表達「可以點點點嗎?」嘅意思,即係問緊人哋嘅許可~
.
.
例如:

食べても いいですか → 可唔可以食啊?
飲んでも いいですか → 可唔可以飲啊?
.
.
==============================
.
.
咁,可以省略左最尾個個「いいですか」嘅。不過視乎你對住嗰個人講嘢嘅時候,係唔係可以用比較casual嘅語氣啦!
.
.
就會變成:

入っても いい? → 可唔可以入黎啊?
座っても いい? → 可唔可以坐啊?
.
.
所以,個句:

その前に 一つ 質問 しても いいですか

(そのまえ に ひとつ しつもん しても いいですか)
.
.
只要大家間唔中溫下「動詞て形」嘅內容,應該就好容易明白嘅!
.
.
==============================
.
.
然後,我嘅女神再問:

トイレ 行っても いいですか

(トイレ いっても いいですか)
.
.
意思即係話:

我可以去洗手間嗎?
.
.
咁其實呢,表達一個目的地嘅時候,我哋本身係應該要加一個助詞嘅。個個就係「に」啦!所以,要符合文法規則嘅話,句說話應該要變成:

トイレ「に」行っても いいですか
.
.
咦?但係女神冇加到喎。咁,導演係唔係要嗌停,再拍過呢?廢話……梗係唔使啦……
.
.
==============================
.
.
我想講嘅就係,係平時嘅對話之中,日文裏面嘅助詞好多時候都會被習慣性省略咗。所以,如果同學仔係講日文嘅時候,好有意識地,好強調咁將嗰啲助詞讀出來嘅話,其實,有時會反而變得好奇怪嘅。
.
.
最常被省略嘅就係「を」啦~你幾時聽到日本人講嘢「喔喔」聲啊?嗰個咁嘅「を」字,你唔將佢嘅語速放慢8倍都聽唔到。甚至有時,佢根本就冇講到出嚟。
.
.
咁,聽唔到個「を」字,係唔係真係咁大影響啊?讀過日文嘅人都知道係唔會有咩影響嘅(笑)因為,我哋好多時候都聽唔切佢哋講咩,所以,就唯有努力咁聽佢知入邊嘅關鍵字眼。啲關鍵嘅字眼都聽唔明,咁就真係抵死啦(笑)
.
.
我哋學校都會講助詞嘅。不過,係好快咁「解釋」再「交代」就完啦。冇咩所謂嘅練習俾同學去做。因為,我相信某D語言嘅知識,係可以慢慢「習慣」返嚟嘅。
.
.
以我自己為例,我自己嘅英文雖然唔係太好,但係自問都好過好多大學生嘅。想當初黎香港嘅時候,個外籍女老師係咁鬧我用錯助詞。跟住就俾一大堆練習我返屋企做。我頂佢個肺,越做越錯,越嚟越唔明錯乜(家長指引)嘢!佢解釋嘅時候,我又唔明佢講乜!真係好無奈。
.
.
到最後,我決定自己買書去睇。啲書,由最簡單嗰啲開始慢慢嚟。之後,再日日睇國家地理雜誌(有英文字幕嗰隻)。過咗幾個月咋嘛,我發現英文測驗嘅時候,自己啲助詞真係錯少咗好多好多!
.
.
所以,我會強烈咁建議想讀日文讀得好「認真」嘅朋友,睇多啲書,同埋睇多啲日劇(有日文字幕嗰隻)。咁,當然啦,睇日劇應該係會開心啲嘅(笑)。
.
.
咩話?唔係讀就要讀得認真㗎啦咩?施主,你錯喇。有時要求太嚴謹嘅時候,個人會好辛苦㗎。某啲地方得過且過,可能反而可以讀得更加好呢(認真㗎)。

Recent Posts
Contact Us

We're not around right now. But you can send us an email and we'll get back to you, asap.

Not readable? Change text. captcha txt