今日坐垃圾港鐵

 In 柳川日記

.
.
冇巴士冇小巴,呢個月又想節省少少,咁就唯有坐垃圾港鐵啦。
.
.
去到黃大仙站,道門都已經閂到八成㗎啦。有個脊骨起碼歪到30度嘅年約80歲嘅阿婆,突然間慾將佢個手推車推上車廂,去頂住道門。
.
.
咁,梗係失敗告終啦。
.
.
個手推車就反彈返上月台度,點知個阿婆死都要上呢一架車,衝咗半個身入黎。頂,入面有四大天王陪你坐就話啫。跟住,阿婆半個身被夾住咗,個樣又驚慌又無奈。電光火石之間,有啲乘客衝去擋住到門,有啲就拉住阿婆隻手。
.
.
咁,我都幫一幫手頂住道門啦。點知,道門一啲都唔友善,不停咁同我鬥力。唔理啦,出多啲力推一推道門啦。
.
.
「卡!」
.
.
一聲巨響,包括我在內,大家都目瞪口呆。我縮手,企後幾步,靜觀其變。道門停咗好耐,阿婆已經係關愛座度食緊第二包花生,過咗分零兩分鐘,終於閂埋啦。
.
.
啲人除咗係咁話阿婆唔應該衝閘,就不停咁話驚架車有咩事。
.
.
妖,變形俠醫咩。一定係其中一個乘客用咗內功發力,除非唔係。
.
.
#啲阿婆真係唔知死㗎喔
#以為自己保特咩大佬
#香港地鐵邊有咁易壞啊
#有個咁有愛嘅特首去關心啲閘機
#催淚彈都射唔爛

Recent Posts
Contact Us

We're not around right now. But you can send us an email and we'll get back to you, asap.

Not readable? Change text. captcha txt